Case un século de historia nun dos corazóns verdes de Galicia

A Casa Don Benito foi construída en 1929. Os propietarios, Don Benito Rey e a súa muller, Dona Isabel Vázquez, foron ampliando a vivenda a medida que as necesidades de espazo aumentaban, do mesmo xeito que o ía facendo a familia.

A comezos dos 2000 iniciouse un importante labor de restauración da Casa, tanto da vivenda principal como das antigas cuadras e as adegas. Grazas a esta reforma hoxe podemos ofrecer oito acolledores apartamentos con todo tipo de comodidades.

A Casa Don Benito, situada en Arnego (Vila de Cruces), está situada na impresionante Comarca do Deza, moi popular pola beleza das súas paisaxes e a súa fabulosa oferta gastronómica e cultural.

Os apartamentos da Casa Don Benito contan con todo o que os nosos hóspedes poden necesitar: gozaredes das comodidades dun hotel, pero nun contexto natural incomparable, no que poderedes practicar todo tipo de actividades ao aire libre.

Ver Vídeo


Por que nos elixen os nosos clientes?

Apartamentos para 2, 4 y 6 persoas
Un apartamento adaptado
Aparcamento gratuíto
Wifi
Comida por encargo
Cociña totalmente equipada
Baño completo privado en todas as habitacións
Lavandería
Calefacción e chimenea
Sala de estar con TV
Terraza
Zonas axardinadas
Barbacoa
Admitense mascotas

Os apartamentos de Casa Don Benito

Esta casa está formada por 3 apartamentos rústicos completamente independentes, para 2, 4 ou 6 persoas, respectivamente.

Como en todas as casas Naturlar o apartamento para 2 persoas está totalmente adaptado para facilitar o acceso a persoas con mobilidade reducida.

Cada apartamento está equipado con cociña con todo o necesario, baño privado en cada habitación, servizo de lavandería, rede WI- FI en toda a casa, salón con cheminea e terraza.

O exterior é a zona común da casa, onde atoparedes aparcadoiro gratuíto, un espazo habilitado para preparar unha boa churrascada e un precioso xardín no que as vosas mascotas poderán gozar de moito espazo para xogar ao aire libre.

Os apartamentos rurais de Casa Don Benito están situados a 10 minutos en coche da bonita Vila de Cruces. Nesta localidade, a máis próxima á casa, atoparedes todo tipo de establecementos para aprovisionar o apartamento e facer a vosa estancia en Casa Don Benito máis agradable.

Se non vos apetece cociñar, pero preferides gozar da tranquilidade para comer na Casa Don Benito poñémosvolo fácil: ofrecemos servizo de comida por encargo. Tan só teredes que avisarnos con antelación e prepararemos todo para que gocedes dun gran xantar. Preguntade sen compromiso e explicarémosvos con máis detalle.

Como reservar en Casa Don Benito?

Podes realizar a túa reserva online, por teléfono ou mediante correo electrónico. Aquí atoparás os datos necesarios para iso:

Online: Botón Reservas y Tarifas del menú principal
Teléfono: (+34) 981 580 266
E-mail: info@naturlar.es

Reservar agora

Como chegar a Casa Don Benito?

A forma máis cómoda de chegar a Casa don Benito é facelo desde Vila de Cruces (Pontevedra)

Cando chegues a Vila de Cruces:

  • Na rotonda principal de entrada á localidade (na que se atopa unha escultura co característico galo de curral de Vila de Cruces), toma a PO-905 en dirección a Arzúa (e Portodemouros).
  • Ao cabo duns minutos atoparás un desvío a man dereita dirección Cumeiro- Larazo- Loño- Arnegos- Brocos ( EP-6403). Tómao e continúa todo recto.
  • Atravesarás os lugares de Navaza, O Penedo, A Contiña e os desvíos consecutivos a man esquerda. Un conduce á igrexa de Caxide e o outro á parroquia de Loño. Continúas sen desviarte da estrada principal.
  • Ao cabo duns minutos, seguindo en liña recta, chegarás á parroquia de Arnego. Nunha casa a man dereita atoparás sinalizado o punto de información de Naturlar – Casa Don Benito.
Galego