Un auténtico oasis aos pés do encoro de Portodemouros

A beiras do encoro de Portodemouros atópase Casa Farruco, un dos nosos aloxamentos con máis éxito entre os hóspedes. Gran parte do encanto desta señorial casa de pedra reside na contorna, un enclave perfecto para aqueles que busquen desconexión total e reencontrarse coa natureza.

Casa Farruco conserva a estrutura orixinal da casa, con paredes de pedra maciza e vigas ao aire. A decoración, rústica pero elegante, achega a cada un dos apartamentos un ambiente acolledor e cálido, perfecto para unha escapada con amigos ou en parella.

As vistas ao encoro de Portodemouros son un dos principais atractivos de Casa Farruco. Se te animas a coller o transbordador gratuíto poderás atravesar o encoro e gozar dunhas vistas panorámicas da zona impresionantes.

Nos últimos anos, o turismo activo na zona converteuse nun dos maiores reclamos de Casa Farruco. A súa localización ideal ofrece multitude de opcións de lecer saudable. Non dubides en consultar connosco por actividades deportivas e rutas para practicar durante a súa estanza.

Ver Vídeo


Por que nos elixen os nosos clientes?

Apartamentos para 2, 4 y 6 persoas
Un apartamento adaptado
Aparcamento gratuíto
Wifi
Comida por encargo
Cociña totalmente equipada
Baño completo privado en todas as habitacións
Lavandería
Calefacción e chimenea
Sala de estar con TV
Zonas axardinadas
Barbacoa
Admitense mascotas

Os apartamentos de Casa Farruco

A casa está distribuída en 3 apartamentos, de 2, 4 e 6 persoas cada un.

Como en todas as casas Naturlar o apartamento para 2 persoas está totalmente adaptado para facilitar o acceso a persoas con mobilidade reducida.

En todos eles poderás atopar unha ampla cociña totalmente equipada e cheminea, perfecta para as noites máis frías. Ademais, todos os apartamentos contan con calefacción, polo que estarás perfectamente a gusto neles.

O salón de cada apartamento conta con TV, e en todas as habitacións hai un baño privado. Poñemos á túa disposición o servizo de lavandería e rede WI- FI en toda a casa. As mascotas son benvidas en Casa Farruco, así que poderás aloxarche cos teus animais domésticos na casa.

No xardín contamos cun espazo fabuloso para preparar unha churrascada, ademais de parking gratuíto e innumerables recunchos ao aire libre onde desconectar e reencontrarse coa natureza.

Moi preto de Casa Farruco atoparás a pequena parroquia de Visantoña, onde poderás facer compras no supermercado local ou gozar dunha comida típica nos seus restaurantes.

Como chegar a Casa Farruco?

A maneira máis sinxela é desde Arzúa ou desde Melide:

Cando esteas en Arzúa:

  • Diríxeche á avenida de Lugo, que é a vía que atravesa a localidade. Preto do restaurante Casa Teodora toma o desvío en dirección Lema- Villantime-Santiso ( DP-7901)
  • Continúa pola DP-7901 sen desviarte. Pasarás un cruzamento con desvío á dereita dirección Maroxo e á esquerda a Teiraboa. Segue recto e deixarás á esquerda o asador O Refuxio. Tras isto atravesarás as parroquias de San Miguel e Villantime, para despois pasar outro cruzamento con desvíos a ambos os dous lados da estrada (á esquerda cara Villantime e, á dereita, cara Montelongo)
  • Continúa recto pola DP-7901, e atravesa a ponte sobre o río Boente. Entrarás no Concello de Santiso e deberás seguir recto, sen desviarte. Pasarás un cruzamento, con destino a Vilardomonte á esquerda e a Sardecoiro á dereita. A continuación, chegarás a un segundo cruzamento, no que debes virar á dereita, camiño a Pazo Vilar de Ferreiros (CP-4603)
  • Na mesma vía, pasados uns minutos, verás a man dereita un desvío a Visantoña. Nese punto comeza a sinalización de Naturlar-Casa do Cura. Segue os sinais durante 10 minutos e chegarás ao destino.

Cando esteas en Melide:

  • Ao entrar en Melide pola vía principal, chegarás a un desvío dirección Visantoña-Ribadulla (CP 4603)
  • oma este desvío e continúa recto. A man esquerda deixarás un desvío a O Real – San Cosme e, un pouco máis adiante, un cruzamento á esquerda dirección Alvite - A Veiga – O Casal e outro cruzamento á dereita dirección A Florida. Continúa recto, e chegarás aos lugares da Costa e Quintela, pasando un cruzamento a man dereita que dirixe a Ribeiro – Riazón – San Román.
  • Sen desviarte da vía principal chegarás ao cruzamento, que debes seguir recto, en dirección ao Pazo Vilar de Ferreiros. Cando pasen uns minutos, a man dereita verás un desvío cara Visantoña, e aí mesmo verás a sinalización de Naturlar – Casa Farruco. Vai guiándote por estes sinais e chegarás ao teu destino nuns 10 minutos.
Galego